影片
更多
2018-02-28
2879 浏览
是晚公司开年饭，喺太湖摆咗几围，未出发已经有3个同事分别同我讲d嘢好好味，我心谂例牌”去饮”食物，会有几好食？一去到酒楼已经见到大大块易拉架写住前米芝莲推介餐厅，即刻睇吓今晚嘅餐牌，再google吓有咩边味出名！😂第一碟「脆皮即烧BB猪」，个𩠌名同呢间传统旧式装潢嘅酒家完全唔衬，不过卖相一流，急不及待要夹返件！方型切法啱啱好一啖放入口，外皮烧到脆卜卜，仲有甜甜嘅烧汁味，连甜酱都唔洗点！乳猪不油不腻，不太肥，我食咗三件都唔觉腻😋紧接上枱嘅系「三葱野菌爆鲜蟹钳」，比平时食嘅炸蟹钳煮法更有诚意，蟹肉新鲜甜美，一丝丝蟹肉口感比炸蟹钳嘅雪藏味同咬口赢成条街！之后到出名嘅「花胶姫松茸炖螺头汤」，冇味精得嚟够火喉，非常鲜甜！到咗最期待嘅「蚝皇原只36头鲍」上枱，汤匙咁大只嘅鲍鱼肉质爽甜，冬菇煮到入口即溶，垫底嘅生菜吸晒浓浓嘅蚝汁，系我认为全晚最美味嘅菜色！得奖名菜「金汤焗加拿大龙虾配煎米粉底」，一人分到半只之余，仲另外斩件上多一碟，份量好似多过菜单上写嘅六只份。龙虾肉够晒新鲜弹牙，又系要食多两件先够喉🤤最夸张系另上一碟煎到饼状嘅米粉，再由侍应即场倒落金色浮夸大碟的龙虾汁上浸汁食，米粉饼浸汁之后有少少
一去到酒楼已经见到大大块易拉架写住前米芝莲推介餐厅，即刻睇吓今晚嘅餐牌，再google吓有咩边味出名！😂
第一碟「脆皮即烧BB猪」，个𩠌名同呢间传统旧式装潢嘅酒家完全唔衬，不过卖相一流，急不及待要夹返件！
方型切法啱啱好一啖放入口，外皮烧到脆卜卜，仲有甜甜嘅烧汁味，连甜酱都唔洗点！乳猪不油不腻，不太肥，我食咗三件都唔觉腻😋
紧接上枱嘅系「三葱野菌爆鲜蟹钳」，比平时食嘅炸蟹钳煮法更有诚意，蟹肉新鲜甜美，一丝丝蟹肉口感比炸蟹钳嘅雪藏味同咬口赢成条街！
之后到出名嘅「花胶姫松茸炖螺头汤」，冇味精得嚟够火喉，非常鲜甜！
到咗最期待嘅「蚝皇原只36头鲍」上枱，汤匙咁大只嘅鲍鱼肉质爽甜，冬菇煮到入口即溶，垫底嘅生菜吸晒浓浓嘅蚝汁，系我认为全晚最美味嘅菜色！
得奖名菜「金汤焗加拿大龙虾配煎米粉底」，一人分到半只之余，仲另外斩件上多一碟，份量好似多过菜单上写嘅六只份。龙虾肉够晒新鲜弹牙，又系要食多两件先够喉🤤
最夸张系另上一碟煎到饼状嘅米粉，再由侍应即场倒落金色浮夸大碟的龙虾汁上浸汁食，米粉饼浸汁之后有少少散开，
相信系因为米粉饼索晒d汁！食落米粉饼唔系脆嘅，似返湿炒米粉！仲有碟金奖「芝麻盐焗鸡」，白芝麻布满鸡上，鸡皮炸到脆卜卜，好味到相都唔记得影！
美点双辉系蛋散同煎堆，蛋散够脆之余仲入口即溶，唯一挑剔嘅地方系个汁只系淋喺面，令下面嘅蛋散唔够汁，有d干！
煎堆炸得脆但唔会好油，入面有白莲榕，好味又唔腻！
整体嚟讲今晚所有𩠌都非常出色，令人难忘同回味！绝对对得住米芝莲呢个名涵！
张贴
