影片
更多
2024-10-01
227 浏览
愉景湾的确系一个令人感觉置身于海外嘅地方，身边经过的八成也是外国人. 这𥚃有很多外国人经营餐厅. 今日我哋选择比较特别同少有的土耳其菜. 餐厅环境舒适，室外可以望到海，有两张心型座，打卡一流. 餐牌中英对照，而且大部份也附上图片及所用的主要食材，方便客人点菜时参考.酸奶汤卖相有啲似磨菇汤，汤底下有米饭，质地唔会好杰身，微酸微咸口感几特别，随汤附上自制面包，热辣辣质感松软，可以沾点汤来食增加口感层次.羊肉配薯条（角）羊肉唔会好臊，如果怕羊臊嘅朋友都可以试吓，薯条（角）外脆内软，薯仔味浓. 伴碟的沙津酸菜开胃，可以减轻多食肉的油腻感.经典茄泥酱（开胃菜）这个开胃菜是由茄子碎加橄榄油、大蒜芝麻及柠檬汁而整成，系一个富有土耳其特色嘅菜，蒜味唔会过重，唔会觉得辣，可以用面包沾上这个开胃菜一齐食，好夹.土耳其咖啡即叫即整，我们选择唔加糖，可能咖啡因含量较高，所以带有浓烈的苦涩味，浓郁醇厚的口感，size细细杯，几特别.果仁蜜饼跟雪糕＆双球雪糕（开心果及椰子）果仁蜜饼外层用酥皮整成，内里有坚果碎加埋糖浆. 虽然内𥚃满布糖浆，但唔会觉得好甜好漏，加埋坚果嘅香脆及酥皮富有层次嘅口感，再加埋烟烟韧韧嘅土耳
酸奶汤
卖相有啲似磨菇汤，汤底下有米饭，质地唔会好杰身，微酸微咸口感几特别，随汤附上自制面包，热辣辣质感松软，可以沾点汤来食增加口感层次.
羊肉配薯条（角）
羊肉唔会好臊，如果怕羊臊嘅朋友都可以试吓，薯条（角）外脆内软，薯仔味浓. 伴碟的沙津酸菜开胃，可以减轻多食肉的油腻感.
经典茄泥酱（开胃菜）
这个开胃菜是由茄子碎加橄榄油、大蒜芝麻及柠檬汁而整成，系一个富有土耳其特色嘅菜，蒜味唔会过重，唔会觉得辣，可以用面包沾上这个开胃菜一齐食，好夹.
土耳其咖啡
即叫即整，我们选择唔加糖，可能咖啡因含量较高，所以带有浓烈的苦涩味，浓郁醇厚的口感，size细细杯，几特别.
果仁蜜饼跟雪糕＆双球雪糕（开心果及椰子）
果仁蜜饼外层用酥皮整成，内里有坚果碎加埋糖浆. 虽然内𥚃满布糖浆，但唔会觉得好甜好漏，加埋坚果嘅香脆及酥皮富有层次嘅口感，再加埋烟烟韧韧嘅土耳其云呢拿味雪糕，绝配. 另外椰子味雪糕食到椰丝嘅口感，真材实料，推介.
张贴
