紅橋 (已結業)

屋企人好钟意食呢间野，所以成日喺大埔都会帮衬，今日同朋友去旺角行街，就推荐佢嚟食呢间平靓正嘅餐厅。我哋每人叫咗个主食，然后再share小食。小食方面我哋叫咗个虾多士同埋炸鸡槌！个虾多士虾肉都几多，但系咸咗少少，所以点炼奶𠮶阵觉得个差距有啲大。特别想赞佢个鸡槌，好食过香港快餐连锁店嘅炸鸡槌。。又脆肉多，点埋个泰式酱热辣辣好味！龙虾汁帆立贝海鲜烩意大利饭佢个汁海鲜味几重，而且真系有劲大只帆立贝！海鲜种类都几多，仲有蚬、虾、珍珠带子同埋蟹肉，全部都几鲜甜胃口大开！日式照烧汁鳗鱼蛋包饭我喺大埔都成日食蛋包饭所以就冇叫呢个，朋友话几好食，但系就食到好饱，因为前菜有沙律汤我哋仲食咗小食，佢食到一半已经开始顶唔信🤣但我食过佢个鳗鱼，肉质几鲜嫩，而且佢充满鳗鱼汁所以鳗鱼好入味！