荳子 (海壩街) (已結業)

已经食过好几次呢间餐厅，见成日都好多人，所以有一段时间冇黎食。今日晏昼五点几肚饿谂住早啲食晚餐，见到beans冇人排队✌🏻见到个Menu多咗啲新菜式，有鱼香茄子意粉，北京填鸭汉堡😂好有创意。我哋两个人叫咗两个main course，一个系北京填鸭汉堡，有薯条有沙律，但个包就细个咗少少，个包系中式嘅蒸包，搽咗一层北京填鸭酱，入边有两大旧鸭肉，味道唔错，钟意食北京填鸭嘅人应该都会钟意食呢一个。跟住另一个主菜系大虾龙虾汁意粉，加咗钱叫咗个薯条配黑松露酱。大虾龙虾汁意粉- 两只虾就唔系好大只，个龙虾汁都唔系好浓，但整体上都OK，只系见到隔离枱叫嘅黑松露软壳蟹意粉，同埋蟹肉蛋黄意粉好似吸引好多咁😂有啲后悔叫咗呢个大虾龙虾汁意粉😂个薯条配嘅黑松露酱超好食，好浓嘅黑松露味嘢饮就叫咗一杯特浓朱古力同埋伯爵茶。特浓朱古力上面有好厚嘅朱古力粉，饮𠮶时小心浊亲，朱古力味好浓。伯爵茶饮完可以re-fill热水落茶壶度。伯爵茶唔算好浓都唔系好淡只。