影片
更多
2018-01-07
496 浏览
喺虹桥附近揾嘢食，见到唯一一间泰国嘢谂住试吓，点知依家发现入去就系一个错误！系超级大嘅错误！！！！坐低冇几耐就行黎催我地落单，好， 我地2个人求其叫咗几样食泰国嘢嘅基本菜， 包括生虾刺身，黄咖喱鸡，马拉盏炒芥兰。先讲讲生虾刺身，我未试过啲虾湿住上，啲汁淋晒落去成盆水咁上碟，心知不秒，试入口，真系连粗口都想爆出黎，好奇怪既味！同平时既汁完全唔同，好难食！碟黄咖哩鸡仲经典，成煲汤咁稀到，啲鸡好似用水整熟再倒落煲咖哩水度咁，无讲错，真系好似水！稀到！仲要啲鸡碎到癫，劲似𩠌头𩠌尾咁，真系见到都唔开胃！谂住芥兰无死，点煮都应该唔会难食得去边，点知，一样难食，一个字「怪」！我直头想问店主你哋系咪泰国人，我真心未食过咁难食嘅泰国菜，系难食到毕生难忘，我奉劝大家如果唔系想试吓佢有几奇怪都唔好去食！因为呢啲极品真系会吓亲你！！
坐低冇几耐就行黎催我地落单，好， 我地2个人求其叫咗几样食泰国嘢嘅基本菜， 包括生虾刺身，黄咖喱鸡，马拉盏炒芥兰。
先讲讲生虾刺身，我未试过啲虾湿住上，啲汁淋晒落去成盆水咁上碟，心知不秒，试入口，真系连粗口都想爆出黎，好奇怪既味！同平时既汁完全唔同，好难食！
碟黄咖哩鸡仲经典，成煲汤咁稀到，啲鸡好似用水整熟再倒落煲咖哩水度咁，无讲错，真系好似水！稀到！仲要啲鸡碎到癫，劲似𩠌头𩠌尾咁，真系见到都唔开胃！
谂住芥兰无死，点煮都应该唔会难食得去边，点知，一样难食，一个字「怪」！
我直头想问店主你哋系咪泰国人，我真心未食过咁难食嘅泰国菜，系难食到毕生难忘，我奉劝大家如果唔系想试吓佢有几奇怪都唔好去食！因为呢啲极品真系会吓亲你！！
张贴