安南 (利園) (已搬遷) 新店位置

平时都系我带男朋友去食好野，今次终于轮到佢推介番一次喇！今晚黎到安南，系weekday唔驶等位。里面装修优雅，气氛好relax好有情调，感觉好舒服，侍应都好有礼貌。最先黎既系安南炭烧猪肉 呢个真系好好味！ 一咬开粒肉丸，好juicy！望到咬开一半既肉丸充满肉汁，而调味方味亦相当唔错，好香！用黎包住肉丸既生菜都好干净好新鲜。烧猪肉片都好有水准，腌得好入味，烧到有焦香，但系肉质保持软滑。 之后就有炸软壳蟹米纸卷软壳蟹炸得唔错，松脆唔会成口油淋淋。配酱汁食好开胃，但系包系入面有块香叶 (唔记得是否薄荷叶)我就觉得有点overpowering，掩盖左其他材料既味道。带子椰苗沙律未食过咩系椰苗所以试下。沙律汁既味道冇咩惊喜，都系一般鱼露味，酸酸甜甜咁。而椰苗就好似少D根既牛蒡咁啦，都冇咩特别味道。而带子同D猪腩肉就好似格格不入，唔同沙律一齐食都冇所谓。蕃茄牛腩汤河粉红当当既蕃茄汤除左有浓郁既蕃茄香之外，牛肉味都好突出。汤底好浓稠，应该熬左好耐。牛腩唔肥，焖得好淋，河粉弹牙！唯一缺点系汤底比较咸，食晒D河粉后真系饮唔到落去。今次两个人黎食唔到好多野，期待下次黎试下佢招牌既酸子蟹同蚬汤！