影片
更多
2024-10-16
507 浏览
从来都无劣评过一间餐厅，但呢一间真系离谱！明白而家饮食业都好难做，谂嚟谂去都觉得要写出嚟俾其他食客借鉴，亦要俾管理层睇到。仔仔三岁生日，见到呢间咁多好评所以第一次嚟试下，之前都系食其他韩烧餐厅多。结果剩系落单都搞到一肚气！我哋五大一小，睇menu嘅时候二人餐一张menu，四人餐系另一张menu，睇唔到，职员亦无主动推介过，所以叫咗个二人餐加其他肉仲有熟食，谂住食物到咗食咗一半再叫。职员覆紧order时，我哋先发现到有四人餐，仲要有埋我哋额外叫嘅肉，所以同职员讲我哋想由二人餐转四人餐，点知个职员话要同厨房check吓系咪已经上咗菜？！我从未试过落紧单嘅时候，会同我讲已经上咗菜？！跟住2分钟后上一碟生肉俾我哋，就话上咗就冇得改，所以嬲嬲地，之后只系追加熟食，完全唔再叫生肉，点知家人听到有职员话我哋剩系叫二人餐？！其实我哋叫二人餐加生肉已经接近四人餐价钱，仲要份量少咗，仲要未计熟食，我食完饭听返家人讲真系几嬲，庆祝生日搞到咁扫兴！呢间餐厅职员仲要唔系好乐意帮手烧大大块个啲肉，我哋嘅炉加咗三至四次炉边蛋同芝士，就同我哋讲唔会再加俾我哋，乜唔系无限追加嘅咩？我相信都系某部份嘅职员有问题，但如果管
明白而家饮食业都好难做，谂嚟谂去都觉得要写出嚟俾其他食客借鉴，亦要俾管理层睇到。
仔仔三岁生日，见到呢间咁多好评所以第一次嚟试下，之前都系食其他韩烧餐厅多。结果剩系落单都搞到一肚气！
我哋五大一小，睇menu嘅时候二人餐一张menu，四人餐系另一张menu，睇唔到，职员亦无主动推介过，所以叫咗个二人餐加其他肉仲有熟食，谂住食物到咗食咗一半再叫。职员覆紧order时，我哋先发现到有四人餐，仲要有埋我哋额外叫嘅肉，所以同职员讲我哋想由二人餐转四人餐，点知个职员话要同厨房check吓系咪已经上咗菜？！
我从未试过落紧单嘅时候，会同我讲已经上咗菜？！跟住2分钟后上一碟生肉俾我哋，就话上咗就冇得改，所以嬲嬲地，之后只系追加熟食，完全唔再叫生肉，点知家人听到有职员话我哋剩系叫二人餐？！其实我哋叫二人餐加生肉已经接近四人餐价钱，仲要份量少咗，仲要未计熟食，我食完饭听返家人讲真系几嬲，庆祝生日搞到咁扫兴！
呢间餐厅职员仲要唔系好乐意帮手烧大大块个啲肉，我哋嘅炉加咗三至四次炉边蛋同芝士，就同我哋讲唔会再加俾我哋，乜唔系无限追加嘅咩？
我相信都系某部份嘅职员有问题，但如果管理层重视长远利润收入同餐厅reputation，真系有需要好好研究员工训练。
亦劝喻大家嚟呢间餐厅，唔好对佢哋嘅服务有期望，庆祝晚餐就可免则免，我下次都系会拣返其他高质餐厅庆祝生日，呢一次系因为未齐人庆祝先上网揾一间食个晚饭，真系后悔。
张贴