一點心 (通菜街)

营业中

休息中

黎依到食野系因为真系非常钟意佢汤,除左真材实料,最紧要系无味精,好有住家既感觉, 今次系依个西洋菜猪骨煲陈肾,西洋菜煲汤真系好住家感觉,加少少南北杏蜜枣，煲得够火候之外，味道够哂浓,耐无饮真系非常正。之后当然要食D点心,依个蟹黄蒸烧卖﹑烧卖当然系依到既代表, 唔太钟意食酒楼食,因为只有猪肉同味精食落真系一D惊喜都唔会,不过依到既蟹黄烧卖,个顶部就有少少蟹籽系到同埋一只虾, 依个虾肉非常之爽口同好有鲜味, 而猪肉又唔会太多,肥瘦比例岩岩好,水准真系几高嫁。另外就系生炒糯米饭,卖相非常吸引糯米饭粒粒分明, 腊味既香味好香;饭粒软硬岩岩好,虽然粒粒分明但又唔会无左糯米饭本身个种黏性,而且腊味既油香,食落慢慢渗出黎,真系谂起都想食番次。