亞蘇爾 (新城市廣場) (已結業)

今日想食葡餐，见到门口有食满$400会送儿童餐，好抵食，埋单都系四百几，做会员仲送多个葡挞和储分。开左咁耐都未食过，今晚就食一次，见食评都唔错。星期五晚7点都好快有位，限食90分钟，入面都满晒客。一次就叫左猪扒包配薯角，马介休，炒椰菜苗，牛尾煲加饭加葡挞再送儿童餐。这次叫咁多野食够晒饱。个牛尾煲好淋，送饭最好味。猪扒包的猪扒够晒味。儿童餐2块牛油多士，蕃茄猪扒意粉，橙汁及木糠布甸好正，够晒奶味。2个葡挞无食到打包走。