上海姥姥

营业中

休息中

每逢礼拜日沙田都真系多人到🙈今日同屋企人谂住去饮茶但实在太多人，完全冇耐性等位🤣所以转场去咗附近连城广场嘅上海姥姥。去到上海路路一样系要等位，三个人等左三四个字左右啦。一坐低发现依家好多都系自助手机点餐落单，都有好处嘅，唔使成日等店员过嚟！轻盈四喜烤麸（轻盈）- 一心都系谂住当前菜咁食，够晒入味， 而且非常开胃， 重点真系好轻盈🤣🤣🤣🤣🤣鲜虾炸云吞-配合甜酸酱，酸味味，个人就非常钟意，而且云吞新鲜炸起❤️超脆口，而且好足料。爆汁鲜肉锅贴-味道一般，而且锅贴底唔够脆，煎既时间仲未够，如果香口啲就好喇！招牌小笼包-招牌菜果然系比较出色，上枱热辣辣，一入口劲多精华😋👍🏻值得一赞。姥姥家乡粗炒- 老老实实，卖相比喺出边食嘅粗炒深色好多，如果浅色返少少买相会靓啲，味道就不过不失，粗炒黎讲唔算系好出色最后因为唔够饱，加多左个担担面，有点失望，汤底味道真系有啲逊色，有啲唔足料嘅感觉。