悅木 (已結業)

周六一家人难得整人去食饭，但太临时临急到到都要排队，架车兜下兜下去到湾仔，经过呢度见暂时未爆哂位，就入去试下啦~基本上餐单上有好多选择，所以有选择困难症嘅我地拣野食都拣咗好耐，最后点咗几样菜~首先，有我觉得其实比较似系泰式嘅菠萝炒饭呢道菜就好少死人嘅，的确亦都几好食~泰式小食，有春卷，有米卷，有鱼饼，有札肉片，不过不失啦~吉列猪扒配蕃茄炒饭，亦是不过不失之作~大虾炒粉丝，只虾真系几大只好味~咖哩羊架，系我最满意嘅咖哩汁好好食，而且够多，叫埋个薄饼黎配呢个咖哩汁，一流~一个小食，四道主菜，加一碟薄饼，承惠太约900大元，环境舒服，算是满意~题外话话说当日家中有两只马骝跟住食饭，小朋友食饭钟意走黎走去大家都知有几讨厌啦~ 呢度嘅员工原来对呢D马骝有所准备，当场有朱古力氹下Ｄ小朋友，帮助话比佢地知，如果乖乖地坐定定食完餐饭就可以食朱古力，又久不久过黎同小朋友打下招乎玩下等佢地乖乖坐埋位，呢下真系好满意佢地嘅甜心服务！