臨記車仔麵 (已結業)

黎开蓝田揾朋友又未食饭就食碗车仔面啦，临记有唔同分店但从来都未试过，首先呢间分店铺面好干净企理，令人坐得几舒服，职员态度亦都好有礼貌，特别系厨房个叔叔会同啲老友记讲小心热，慢慢食啦呢类说话，令人感觉好窝心。车仔面我叫咗花菇、鱿鱼、溏心蛋、唐生菜同猪大肠，粗面，清汤配埋腩汁仲有少辣，加埋个炸鸡翼小食，总73蚊，最中意系花菇，细细粒，够晒稔同入味，浸落汤连个汤都有菇味，鱿鱼同猪大肠都系，我会为左佢既卤味再黎，因为真系好稔同入味啊！😋秘制辣酱我净系叫少辣，可以叫大辣令汤底更香浓，面饼就稍微可以渌稔啲，少少硬同夹唔断，不过中意食硬啲既人就一定会中意。至于炸鸡翼就非常香脆，炸之前有腌到所以鸡肉都有咸味，唔系得个脆字，下午茶都算多人黎食，好多人外卖，因为抵食加好食！