海記美食坊

营业中

休息中

今日陪咗妈咪去北区医院做术前检查，所以又冇煮饭，一家大细又周围去揾食!今次嚟到联和墟街市上面嘅大排档，呢度有好几间小炒，我哋拣咗入门口右手边嘅海记美食坊!同一般市政大楼上面嘅大排档都冇乜分别，海记有两个舖位，蓝底白字嘅招牌好抢眼，都几衬到个海字，唔知老细系咪咁嘅用意呢?!合掌瓜红萝白猪骨汤唔理你叫咩𩠌，一坐底就送上一煲老火例汤，虽然都系有师傅，大排档货式，算系咁啦!西兰花炒鲜鱿鱿鱼新鲜弹牙，除咗西兰花之外，仲有好多配料韭黄、草菇同甘笋片，令到成碟𩠌变得好丰富。菠萝咕噜肉正常水准嘅咕噜肉，酸酸may may B头最爱，不过菠萝少咗d!海味杂菜煲正常嘢冇乜特别~支竹火腩鳝煲屋企人话好好味!三杯酒肥肠猪大肠系我其中一样好钟意食嘅嘢，再配搭埋「三杯」嘅煮法，用酱油、米酒、麻油各一杯，再加埋九层塔、姜同蒜头，一齐爆炒非常惹味!「三杯」源自江西，相传系一个江西籍狱卒喺狱中用咗酒酿、猪油、酱油各一杯炖制鸡块俾文天祥食而得名。而家为咗方便同健康嘅关系酒酿改为米酒、猪油改为麻油。