影片
更多
2021-08-22
521 浏览
话说友人A最近搬左去何文田～ 大大力同我讲呢间新冰室好好食（培正小学斜对面，香港九龙维景酒店隔离）～ 话间嘢开业一个礼拜，佢就食左两晚～ 要叫埋我同友人B 过去陪佢食第三晚..一入去就发现间茶餐厅装饰有别于一般茶记冰室，有小盆栽、书、帆船、saxophone 等等做装饰，感觉好Modern ~ 颠覆左传统茶记冰室既老旧死板，感觉似一间cafe 仔多啲，唔知老板系唔系后生仔呢～话说回来～讲返味道先！睇吓有乜野神仙味道，令友人A一星期要食足三晚咁夸张。..麻辣薯仔鸡煲 （我叫加辣版）- 惹味之选，配饭一流！😋😋😋😋😋一上枱香味扑鼻，内有姜片、洋葱、蒜头、葱、辣椒，三色椒等佐料。件件鸡都挂上酱汁， 不多不少，味道足，唔味精，无死咸，微辣，每件鸡件都嫩滑浓香，香辣惹味，同白饭绝对系绝配。由于个小菜名叫麻辣鸡，我就就觉得麻味差咁啲喇，呢到会扣少少分。其他我都比5分！但整体味道确系一流！顺带一提，我来身系食谭仔大辣/劲辣，所以加辣对我黎讲都系BB辣。如果你食开谭仔3-10小辣，呢款都食得到。 ..猪油渣炒芥兰 - 坊间少有，必食古早味！😋😋😋😋😋识食一定系食猪油渣！猪油渣，简直系系人间罕见的美食之
话说友人A最近搬左去何文田～ 大大力同我讲呢间新冰室好好食（培正小学斜对面，香港九龙维景酒店隔离）～ 话间嘢开业一个礼拜，佢就食左两晚～ 要叫埋我同友人B 过去陪佢食第三晚
.
.
一入去就发现间茶餐厅装饰有别于一般茶记冰室，有小盆栽、书、帆船、saxophone 等等做装饰，感觉好Modern ~ 颠覆左传统茶记冰室既老旧死板，感觉似一间cafe 仔多啲，唔知老板系唔系后生仔呢～
话说回来～讲返味道先！睇吓有乜野神仙味道，令友人A一星期要食足三晚咁夸张。
.
.
麻辣薯仔鸡煲
28 浏览
1 赞好
0 留言
麻辣薯仔鸡煲 （我叫加辣版）- 惹味之选，配饭一流！
😋😋😋😋😋
一上枱香味扑鼻，内有姜片、洋葱、蒜头、葱、辣椒，三色椒等佐料。件件鸡都挂上酱汁， 不多不少，味道足，唔味精，无死咸，微辣，每件鸡件都嫩滑浓香，香辣惹味，同白饭绝对系绝配。
由于个小菜名叫麻辣鸡，我就就觉得麻味差咁啲喇，呢到会扣少少分。其他我都比5分！但整体味道确系一流！
顺带一提，我来身系食谭仔大辣/劲辣，所以加辣对我黎讲都系BB辣。如果你食开谭仔3-10小辣，呢款都食得到。
.
.
猪油渣芥兰
22 浏览
0 赞好
0 留言
猪油渣炒芥兰 - 坊间少有，必食古早味！
😋😋😋😋😋
识食一定系食猪油渣！猪油渣，简直系系人间罕见的美食之一。 入口轻轻一咬，小小一旧猪油像喷泉一样，油脂芳香系口腔内涌出，果种独特嘅的酥油香，简直令本来平平无奇嘅芥兰味道多左层次，呢种绝对可以话港色古早味丫！ 连本身唔钟意食菜既我都食多两旧，扒多啖饭！
.
.
铁板蒜蒜汁羊架
20 浏览
1 赞好
0 留言
铁板蒜蒜汁羊架
😋😋😋😋
铁板羊架拣左配焗薯，好过食薯条油淋淋、淋吱吱，焗薯成件事健康好食好多，再者成旧薯仔，睇得出用料讲究实在，真系落足本！
讲返旧羊先～成兜多爆蒜蓉嘅蒜蓉汁倒落铁板时滋滋声，香味四溢。旧羊肉既肉质无得输～ 咬落唔系死淋，成件事系有口感，中间肉质做到保持软腍有弹性之余富羊味，juicy 多汁，完全无松肉粉果啲入口霉烂既一Pat Pat口感，真系无谂过茶餐厅可以食到咁高质嘅羊架既！抵赞
.
.
避风塘茄子
15 浏览
1 赞好
0 留言
避风塘炸茄子 - 啤酒好拍档
😋😋😋😋
食炸茄子，我个人最怕就系成口油，所以我好少拣茄子黎食。不过友人A话好好食，唔油够惹味，叫我比次机会茄子㖞～果然入口唔油淋淋，唔会有芒喉感觉，茄子本身软糯，配外层裹上薄粉浆，酥脆香口，做到外脆内软再加埋避风塘啲炸蒜的香脆，多种滋味在脷尖上层层绽放，即刻order杯啤酒，一口避风塘茄子一口啤酒～正正子 唔怕卡路里嘅～值得一战啦！
.
.
整体黎讲：以前我系土瓜湾住，何文田读书，我就真系成日食茶餐厅冰室喇！试过好多间～ 我个人觉得，力天冰室暂时系我食过同区最高质、最有heart 嘅Modern 茶餐厅冰室～ 希望佢哋可以keep住开业初期嘅优质味道，甚至系味道更上一层楼！ 毕竟keep住品质味道都真系唔容易！ 加油支持小店Btw 呢次唯一要弹一弹嘅系～小菜选择确系少，只有12款，希望以后会多啲选择啦！
张贴
