影片
更多
2021-11-19
4438 浏览
近排好钟意周围试唔同国家嘅菜式， 之前食过斯里兰卡同黎巴嫩菜都超有惊喜！今次就黎到中环主打日系秘鲁菜嘅Tokyolima。原来 Nikkei (秘鲁菜与日本料理结合) 已有逾百年嘅历史！餐厅灯光昏暗，非常有情调！估唔到平日都超爆满！有好多枱都系到庆祝紧生日，店员们会一齐唱生日歌，超有气氛！系庆祝生日嘅好地方！夜晚黎到唔想谂仲可以嗌𝙋𝙇𝙀𝘼𝙎𝙀 𝘾𝙃𝙀𝙁 𝙁𝙀𝙀𝘿 𝙈𝙀 有成十道菜！份量十足！食到劲饱！————————————————⠀⠀⠀𝙋𝙇𝙀𝘼𝙎𝙀 𝘾𝙃𝙀𝙁 𝙁𝙀𝙀𝘿 𝙈𝙀 $490 P.P.𝘿𝙧𝙞𝙣𝙠𝙨 𝙋𝙖𝙞𝙧𝙞𝙣𝙜 +$1981️⃣Tuna & Watermelon Tartare估唔到吞拿鱼同西瓜又几夹㖞！西瓜清甜爽脆多汁，吞拿鱼软腍，加埋软滑牛油果同酸甜柑橘酱汁，成件事好清新开胃。面头仲有超薄脆嘅蕃薯脆片，蕃薯味又几岀㖞~2️⃣La Causa炸虾天妇罗外皮几脆，略嫌炸衣厚左啲。 底下嘅红菜头薯仔蓉 加入左秘鲁辣椒，微辣清新，连唔食红菜头嘅家姐 都忍唔住食晒。3️⃣Cerviche PH秘鲁版生鱼片~ 油甘鱼、虾 伴以柑橘腌料 Tiger’s
餐厅灯光昏暗，非常有情调！估唔到平日都超爆满！有好多枱都系到庆祝紧生日，店员们会一齐唱生日歌，超有气氛！系庆祝生日嘅好地方！
夜晚黎到唔想谂仲可以嗌𝙋𝙇𝙀𝘼𝙎𝙀 𝘾𝙃𝙀𝙁 𝙁𝙀𝙀𝘿 𝙈𝙀 有成十道菜！份量十足！食到劲饱！
————————————————⠀⠀⠀
𝙋𝙇𝙀𝘼𝙎𝙀 𝘾𝙃𝙀𝙁 𝙁𝙀𝙀𝘿 𝙈𝙀 $490 P.P.
𝘿𝙧𝙞𝙣𝙠𝙨 𝙋𝙖𝙞𝙧𝙞𝙣𝙜 +$198
1️⃣Tuna & Watermelon Tartare
估唔到吞拿鱼同西瓜又几夹㖞！西瓜清甜爽脆多汁，吞拿鱼软腍，加埋软滑牛油果同酸甜柑橘酱汁，成件事好清新开胃。面头仲有超薄脆嘅蕃薯脆片，蕃薯味又几岀㖞~
2️⃣La Causa
炸虾天妇罗外皮几脆，略嫌炸衣厚左啲。 底下嘅红菜头薯仔蓉 加入左秘鲁辣椒，微辣清新，连唔食红菜头嘅家姐 都忍唔住食晒。
3️⃣Cerviche PH
秘鲁版生鱼片~ 油甘鱼、虾 伴以柑橘腌料 Tiger’s milk，酸尾尾作为前菜好开胃。略嫌虾肉偏腍唔太弹牙。
4️⃣Maguro Nuevo
由吞拿鱼、牛油果、蟹籽制作而成嘅卷物~ 饭粒唔会太硬，味道就无乜惊喜。反而碟上面粉红色嘅红菜头蛋黄酱唔错㖞~
5️⃣Lomo Saltado “El Taco”
薄饼超脆！上面exactly系青椒炒牛肉嘅味道 微辣惹味~
6️⃣Pan Con Chickarron
迷你慢煮猪腩包~ 猪腩肉 肥膏比例极高！油脂感好重。酱汁酸甜，加上爽口腌洋葱，食落清新湿润 唔太油腻，仲有啲甜甜地嘅红薯。美中不足嘅系块肉薄左啲，食肉兽唔太满足。
7️⃣Grilled cod
望落平平无奇，但一食不得了！鱼皮煎到脆身带焦香，肉质好嫩滑仲好juicy添，鲜味十足。配埋带黄椒香气嘅酱汁，好食！极力推荐！
8️⃣Chicken Yakitori
鸡肉串外皮香脆，肉质软嫩有肥膏，略嫌边边位有少少㶶。酱汁香甜，底下仲有啲软腍薯仔。
9️⃣Tacu Tacu
秘鲁炒饭 炒得好干身，粒粒分明。炒饭夹杂住软绵腰豆、爽口多汁嘅甜椒，口感丰富。炒饭仲加左传统秘鲁酱汁，香料味超浓！头几啖有少少食唔惯，但竟然越食越好食！
🔟Dessert
当热烘烘嘅香蕉遇上雪糕，冰火交融，蚂蚁人表示食到肚都爆都忍唔住继续食。香蕉香甜软腍，边边仲带点香脆，加埋红桑子、花生粒，口感几丰富
张贴
