譚仔雲南米線 (西九龍中心)

营业中

休息中

一向都有帮衬开谭仔，但今日同屋企人去西九龙中心呢间食米线，员工态度真系极差，屋企人唔食得太咸，同个阿姐讲话清汤要淡D，佢话得淡，无D嘅😠继而碗过桥米线黎到，起初都唔觉有问题，直至食左一部分嘅𩠌同米线，啲汤少左，先发现只碗污糟到不得了，揾纸巾抹啲污渍，仲系可以抹得甩嘅。正值疫情期间，识得叫食客用安心出行，但啲碗洗完都咁污糟，装米线嘅见到咁仲要放啲米线落去，请问有谂住令食客安心，有谂住保障食客嘅安全咩？同个阿姐反映，佢话啲碗系咁架喇，一啲歉意都无，就连唔好意思都无谂住讲一句，见我地话影左相要放上网，仲即刻收走左只碗，然后若无其事咁。讲到话要成为负责任嘅企业，仲要攞唔少奖，卫生情况同员工态度实在令人无法接受，完全唔见得系有良心嘅企业。就算几好食，都令人以后无信心再帮衬。