天仁茗茶 (已搬遷) 新店位置

行完一田去收銀處...隔離既食店，見到有天仁茗茶二話不說即刻買，不話今次唔買珍奶，而係買雪糕！之前睇中左好耐好想試，但又覺得少少貴，今次出糧就豁出去一試！鐵觀音味奇趣杯好味道一接到手嘩一聲，最底層有啲脆脆，然後一層雪糕，一層另一種脆脆，一層雪糕再有啲嘉樂氏穀物片放最上。整體菜式唔係超級濃到苦個種，入口有淡淡鐵觀音既茶香，然後少少甜而不膩啲脆脆仲要超脆，份量足，啖啖雪糕都可以有脆脆，驚喜係脆脆麥味濃，唔會死甜同雪糕非常夾 下次出糧一定會再encoreP.S. 店員哥哥好nice，超級有禮貌