越棧越式湯粉專門店 (福德樓) (已結業)

今日喺元朗收工，真係好攰好攰，眼前出現在間越棧，即刻想食碗越式牛肉河粉，諗都唔諗就入咗去坐低嘆冷氣。.特別牛河四款牛嘅配料包括胡椒牛扎肉、金肚絲、牛腩片，同埋生牛肉。上菜時，生牛肉已經熟咗，索咗好多湯嘅味道，肉味唔算好突出；胡椒牛扎肉同平時食到嘅扎肉味道好接近，不過就厚身啲；金肚絲都幾有咬口；牛腩片肥瘦均勻，唔算好入味但都不過不失。跟餐加$8要咗個津白，略嫌個湯鹹咗少少。成個餐整體來說不過不失，想食越南野又咁啱經過，入去試都唔會令你失望。