石磨坊 (已結業)

石磨坊给我最大的诱惑是刨冰，凉粉和炖奶（因为糊类可以去福元），今次居然俾我一次过满足晒，好开心呀！红豆泥刨冰($26)：今次终于知道石磨坊的刨冰同凉粉有咩分别－－－原来刨冰就系冰高凉粉少，凉粉就系冰矮凉粉多！红豆泥刨冰够尖，冰够硬，用匙仔都敲唔郁，其实唔系真系咁高架咋，不过真系好需要多Ｄ花奶，因为旧冰本身无味，红豆泥够红豆味，不过嫌唔够芋泥杰，无咁好捞冰，而且因为冰多，好够唔够捞咁，其实总体都唔错，如果凉粉多返Ｄ就好喇芋泥凉粉($26)：同刨冰比，我就钟意凉粉多Ｄ，虽然配料一样，但系多返好多凉粉！冰少吃多滋味嘛，凉粉的刨冰份量就刚刚好！唔驶再加花奶都够甜！芋泥够杰，好够芋头味，捞冰捞凉粉捞花奶同斋食都一流！而且虽然佢矮过刨冰，但系我觉得饱肚过刨冰好多！可能因为芋头同凉粉的缘故吧！朱古力蛋白炖鲜奶($18)：全部都系冰，食到超冻，冻到震，拿拿声叫返碗热野暖下，朱古力炖奶够晒朱古力味，盖过了奶味，我觉得都几滑，而且好浓好香，同传统炖奶比又有一番滋味！我都好钟意！服务唔错，我食刨冰时问佢要花奶佢就俾左一碗我，之后见我食凉粉又主动问我要唔要再加花奶，好体贴啊！夏天一定会再黎食凉粉消暑！