影片
更多
2024-09-11
1611 浏览
🍰☕️ 意式悠闲下午茶 · 香格里拉酒店 · 「Il Dolce Far Niente 意悦时光」下午茶～做咗成日嘢，好想偷返啲闲，今次九龙香格里拉酒店Lobby Lounge推出嘅「Il Dolce Far Niente 意悦时光」下午茶，就比咗个机会我慢慢享受意式嘅悠闲生活～呢个下午茶set用上意大利名茶La Via del Tè嘅Secret Gardens系列为元素，将茶品mix部份咸点及甜品，一次过食匀晒啲特色茶味😋个set摆喺个靓靓鸟笼层架上面，坐喺窗边仲可以望到维多利亚港嘅靓景添，有种一食三赏嘅感觉！▶️咸点：红虾鞑靼配橙花啫喱、牛油果酱及香梨🍤味道层次丰富，鲜甜红虾配上香浓牛油果酱，以及清新橙花啫喱，一次过满足晒所有味蕾！酱油渍黄鳍吞拿鱼配柑橘酱油及海藻粉用酱油渍过嘅吞拿鱼味道更浓郁，柑橘嘅清新酸味中和整体，成个味道更加立体，外围痴满海藻粉，带出海洋嘅鲜味同时加强口感黑松露鸡肉慕斯配茶香核桃粉放喺一个好似盆景嘅装置上面，打卡一流！鸡肉慕斯质感香浓滑溜，加上茶香核桃粉嘅独特口感，非常特别～花蟹肉沙律配茴香、热情果及茶香啫喱🦀清新爽口，花蟹肉嘅鲜甜配上热情果嘅酸甜，仲要有茶香啫
🍰☕️ 意式悠闲下午茶 · 香格里拉酒店 · 「Il Dolce Far Niente 意悦时光」下午茶～
做咗成日嘢，好想偷返啲闲，今次九龙香格里拉酒店Lobby Lounge推出嘅「Il Dolce Far Niente 意悦时光」下午茶，就比咗个机会我慢慢享受意式嘅悠闲生活～呢个下午茶set用上意大利名茶La Via del Tè嘅Secret Gardens系列为元素，将茶品mix部份咸点及甜品，一次过食匀晒啲特色茶味😋
个set摆喺个靓靓鸟笼层架上面，坐喺窗边仲可以望到维多利亚港嘅靓景添，有种一食三赏嘅感觉！
▶️咸点：红虾鞑靼配橙花啫喱、牛油果酱及香梨🍤
味道层次丰富，鲜甜红虾配上香浓牛油果酱，以及清新橙花啫喱，一次过满足晒所有味蕾！
酱油渍黄鳍吞拿鱼配柑橘酱油及海藻粉
用酱油渍过嘅吞拿鱼味道更浓郁，柑橘嘅清新酸味中和整体，成个味道更加立体，外围痴满海藻粉，带出海洋嘅鲜味同时加强口感
黑松露鸡肉慕斯配茶香核桃粉
放喺一个好似盆景嘅装置上面，打卡一流！鸡肉慕斯质感香浓滑溜，加上茶香核桃粉嘅独特口感，非常特别～
花蟹肉沙律配茴香、热情果及茶香啫喱🦀
清新爽口，花蟹肉嘅鲜甜配上热情果嘅酸甜，仲要有茶香啫喱加持，好有层次感！
烟熏意大利布拉塔芝士及茶渍番茄青瓜莎莎配茶香酱🧀
烟熏芝士香浓滑溜，配上清新莎莎酱，开胃之选！
▶️甜点：意式柠檬甜酒零陵香豆泡芙🍋
面头已经靓到似个小花园，柠檬甜酒零陵香豆引发酸甜及香味交织
伯爵茶拿破仑🫖
经典法式甜品加入伯爵茶嘅独特香气，层层酥皮配搭浓郁嘅奶油，加上伯爵茶嘅回甘，系今次嘅MVP！
士多啤梨意大利芝士蛋糕
软滑嘅芝士蛋糕配上士多啤梨夹心，香甜同轻微酸味完美平衡
花茶樱桃柚子奶冻🍒
花茶嘅香气配上樱桃同柚子嘅果香，加埋滑溜嘅奶冻，食完即刻SWEET晒
香桃莓果茶马卡龙
酥脆外壳包裹住香桃莓果茶味嘅内馅，香甜中带有茶香，系tea time嘅最佳拍档
仲有传统英式松饼，配埋自家制果酱同忌廉👌
最后梗系唔少得La Via del Tè嘅靓茶啦！唔想饮茶都可以转咖啡～
张贴
