東京築地拉麵 (已結業)

呢间分店位于雅兰中心地库，喺旺角站E1出口大约步行五分钟就到，所以都好方便。店舖唔算好大，但座位都非常舒适。首先就试咗前菜带子群边同胡麻冷菠菜，带子群边非常爽口，作为前菜好合适。而我就非常中意胡麻冷菠菜，浓浓嘅胡麻酱淋喺冷菠菜上面，食每一啖菠菜嘅时侯都会食到好浓嘅芝麻香味。菠菜同胡麻酱都配合得好好，系一道非常开胃嘅前菜。之后我地再试左浓厚鸡白汤拉面同埋鱼介沾面。鸡白汤拉面嘅汤底非常浓郁，饮落去会饮到鲜鸡嘅香甜。拉面嘅软硬度适中，唔会太稔又唔会太硬。而鸡叉烧同豚肉叉烧都好嫰滑，整体黎讲都好好食。鱼介沾面非常特别，面质好弹牙，而酱汁系用豚骨同干鱼熬成，所以真系好浓郁。面上面块炙烧黑豚肉油脂分布均匀，食落去绝对唔会太油淋淋。小食方面，我地试左烧鸡肉免治串，口感好特别，食落去会食到少少鸡软骨，而酱汁亦同串烧好夹。最后饮左日式柚子冰，柚子冰好足料，会饮到啖啖柚子肉，但又唔会太甜，夏天饮会feel到好清凉，亦同食物非常之夹。