雷門鐵板燒放題 (已結業)

话说系街见到人派传单，女友想食放题。已经手拎一张另一间的传单。最后决定再行多一阵睇多几间先。行到一度，好多人派放题传单，咁有个仔突然插入黎，俾张雷门传单我，又喺我耳边不停讲野……夸到呢，又话咩三大必食放题，又话约有十个明星食过……最后我都有入去，不过唔系因为佢讲啲野，而系佢张传单啲相真系几靓几吸引。上到去，好多人，谂住无死啦，多人食唔会差到去边。等位好快，约5分钟左右， 礼貌还ok，系啲位好似好窄同个厕所唔系好clean。野食放面，等既时间可以接受，但食物质素就唔好提，都要略略讲下：刺身，真系好刀工到呢，又薄又细块，希灵鱼刺身仲衰，手指尾两节既大细.所有刺身同张tempo差唔多厚……基本上串烧之类都有雪藏味，系个烧鸡串几好，寿司真系omg,旧旧饭都散，个曼鱼寿司不如唔好出把啦，又薄又散，完全唔似曼鱼！叫佐个清汤牛肉呙，清汤就好似水加小小味精，味精水…………牛肉有啲好似切细块上……整体黎讲，食一次就算，比得咁既钱，度度放题又差唔多，就算食物质素差都无哩间咁差。题外话，我好想问返个仔，佢口中既明星系唔系好似古装剧企后排啲士兵，一出场比人插一刀然后哎呀！𠮶啲！