三多炸肶 (已結業)

难得过嚟红磡，附近有咁多好嘢食 都唔知食边间好，见到近排openrice三多咁出名 ，又有啲口痕，又未系好肚饿，所以就嚟咗三多炸脾度食嘢啦一入铺头眼见座位不是太多 等咗一阵就有位坐啦 一场嚟到梗系要试招牌菜炸鸡髀啦 不过净系叫炸鸡髀都唔够嘅，咁所以我哋就叫多咗炸薯条，炒肠粉同埋一杯爆柠炸鸡髀份量其实都几大只 食落去表皮都十分香脆 最欣赏既系食落去鸡肉仍然十分嫩滑， 另外，食得出鸡髀有经过腌制， 腌得十分够味，而且味道适中至于炸薯条方面，同样畀到惊喜我，一开头会以为好似喺出面街边小食咁样炸起完之后变成一pat pat咁，一啲都唔香脆，但可能因为薯条吃新鲜炸起，表皮十分香脆，但内里依然有d林林地， 加埋少少盐调味，食落感觉不错至于咁多道菜之中我最钟意系炒肠粉， 炒肠粉， 用豉油调味， 再加上芽菜，肉碎， 香葱 虽然食物有d油腻,但系食落真系感觉上好好食,味道暂时系出面食唔到，必定要试食咁多油炸嘢当然一定叫杯嘢饮去送下啦 ，一开头见到爆柠呢个名都觉得好得意，原来系冻柠茶再加一爆珠 ，爆珠嘅质感好得意，一咬落去即刻爆开， 同柠檬茶嘅配搭好新鲜