一生懸麵

营业中

休息中

餐厅：一生悬面地点：旺角通菜街菜式：日式拉面餐牌：沾面5款，拉面4款，另加配菜，小食同饮品。可选面条硬度，走葱走蒜。海老拉面 $88海老拉面面头好多樱花虾仔，好香虾味。色水呈淡橙色，先饮一啖汤，虾味唔错，唔觉油腻。拉面系幼身，蛋香唔错，我叫左标准硬度，浸耐左食都唔会一pat野。配料有两片叉烧，系烤过架，明显见到烤印，半肥瘦，猪味浓，有返相当厚度，唔会太薄，唔错。糖心蛋半只，个心又淋又甜，好味道。伴有扁笋同少少葱花。海老沾面 $88海老沾面个汤好热，色水呈红色，面头系满满樱花虾仔，饮落好香虾壳味，但系唔会太咸，而且有少少甜，面条浸一浸就食都好够味。个汤入面有两件猪肉。面条我叫左冻同硬，比较粗身d，系我钟意既口感，唔会太硬。沾面可选热或冻，唔想个汤越食越冻，就一定要选热沾面。同海老拉面一样，伴有两片叉烧，糖心蛋半只同扁笋。仲有一件青柠。唐扬鸡 $35唐扬鸡一客4件，炸得皮脆肉嫰，伴有沙律酱，令入口更滑溜。配有一片柠檬，下底垫有椰菜丝。鸡软骨棒 $29鸡软骨棒一客两条，面头系满满邪恶沙律酱，再洒上葱花同白芝麻粒。食落主要系鸡肉丸口感，味道系滑溜沙律酱。忌廉 $10忌廉够冻，附上独立包装饮管。