龍寶酒家

营业中

休息中

星期日度度都要等位，行远少少黎到龙宝饮茶，唔洗等，叫左几笼点心医肚，有咸水角、明虾角、虾饺、烧卖、牛肉、叉烧虾肠粉、煎堆等等等等，点心上枱全部都热腾腾的，连炸物都系上枱出烟的，值得一赞。虾肠粉既虾好大只，肠粉皮都唔算太厚，可以叉烧肠并虾肠，一次过试晒两款，唔错！明虾角可以encore，虾肉满满的，足料抵食，其他虾饺、烧卖、煎堆就中中庸庸，无咩特别，但侍应服务认真差，几个侍应系客人面前大大声声系到讲晒粗口系到嘈，我地枱有小朋友系到个个听住佢地嘈交，影响食客心情，如果志在饮个中茶的话又唔洗等，都勉强可以既！