一粥麵 (長發廣場)

营业中

休息中

口淡淡想食碗粥，老婆又想打边炉，就黎左一粥面，叫左碗碎牛粥，真系新鲜滚热辣，价钱平，就算高档少少鱼腩粥都系四十蚊有交易，难怪晚巿咁多街坊撑场！粥底够绵滑，碎牛够碎，货真价实童叟无欺，随粥附送的「牛肉肠」真系「求奇」左少少，啲牛肉「随机摆放」响条粉皮之上，同心目中的「牛肉肠」有一段距离，无他嘅，要卷返啲牛肉入条肠度俾多廿蚊人工啰！想通了就不再介意，于自己条肠内进行二次融合吧！火锅黎讲自私锅一个，酸菜鱼汤够醒胃，肥牛素质拍得住「吉野家」咁上下，平平地单人锅收晒货啰！要帮贫苦大众对抗猛如虎的通胀「一碗面」一定系你其中一个选择！