芭堤雅泰國餐館

营业中

休息中

同朋友食嘢，我建议呢间泰式餐厅，原来佢之前经过元朗都已经有留意，心有灵犀咗。朋友点咗炭烧猪颈肉煎蛋饭。第一口食落去有淡淡蜜糖烧烤香味，好惹味。猪颈肉厚切，口感好正，唔会烧到干身，仲有少少肉汁。净系为猪颈肉都值得encore。干炒大虾金边粉炒得好干身，条条分明。金边粉调味好足，青柠嘅酸味、和是拉差辣椒嘅微辣、鱼露鲜咸味配合得好好。旁边仲有劲多花生，真系还原泰国食嘅金边粉。当然唔少得海，有足足三只爽口新鲜大虾。仲加$25点咗个小食share，黄金虾饼。虾饼好爽口弹牙，入边真系见到切粒虾件。饮品方面，珍多冰有惊喜，上面配咗椰奶奶泡，似奶盖嘅感觉。椰奶份量好充足，唔会似坊间咁食到最后冇晒味。朋友就点咗泰式柠檬茶。佢两个月前去完泰国，直称同泰国嘅一模一样。