影片
更多
2024-06-26
1847 浏览
一行四人想食鐡板烧，见到openrice食评不俗，于是决定试下云海。餐厅环境整体不错，带位及落单服务亦非常周到。餐牌上有3款鐡板烧套餐，分别1000, 1200 及1400。最后选择了4个每位HKD1200套餐 (头盘，剌身，沙律，龙虾半只，澳洲鲍鱼，美国西冷，杂菜，炒饭，龙虾面豉汤，甜品) ，我地加HKD700为其中2位升级到鹿儿岛和牛。落单第一件事同侍应讲刺身不食三文鱼，虽然心知呢D酒店入面高级日本餐厅刺身通常唔会俾三文鱼但习惯使然，我都会讲一声... 头盘冇乜特别，三条枝豆加一小旧豆腐物体加一片番薯跟一碗沙律。刺身到嘅时候，我同身边人互望了一下。吓? presenation 同普通日本小馆𠮶DHKD128 午餐送嘅冇乜分别啰(见图)。4片鱼生,仲要系三文鱼!!! 真系冇谂过收HKD1200一个set佢够胆俾三文鱼刺身!!! 咪讲咗走三文鱼啰... 搅咗一阵，最后换咗其他鱼俾我地。刺身正常，唔系特别出色亦无不妥。正当我地食紧头盘, 厨师已经开始准备紧龙虾。通常食鐡板烧, 厨师就算唔喜欢说话都会同枱前客人点点头以示礼貌。呢位完全冇，自𫖶自开始煮。可能我地唔系熟客啦，后尾枱嘅另一边其他
餐厅环境整体不错，带位及落单服务亦非常周到。餐牌上有3款鐡板烧套餐，分别1000, 1200 及1400。最后选择了4个每位HKD1200套餐 (头盘，剌身，沙律，龙虾半只，澳洲鲍鱼，美国西冷，杂菜，炒饭，龙虾面豉汤，甜品) ，我地加HKD700为其中2位升级到鹿儿岛和牛。
落单第一件事同侍应讲刺身不食三文鱼，虽然心知呢D酒店入面高级日本餐厅刺身通常唔会俾三文鱼但习惯使然，我都会讲一声...
头盘冇乜特别，三条枝豆加一小旧豆腐物体加一片番薯跟一碗沙律。刺身到嘅时候，我同身边人互望了一下。吓? presenation 同普通日本小馆𠮶DHKD128 午餐送嘅冇乜分别啰(见图)。4片鱼生,仲要系三文鱼!!! 真系冇谂过收HKD1200一个set佢够胆俾三文鱼刺身!!! 咪讲咗走三文鱼啰... 搅咗一阵，最后换咗其他鱼俾我地。刺身正常，唔系特别出色亦无不妥。
正当我地食紧头盘, 厨师已经开始准备紧龙虾。通常食鐡板烧, 厨师就算唔喜欢说话都会同枱前客人点点头以示礼貌。呢位完全冇，自𫖶自开始煮。可能我地唔系熟客啦，后尾枱嘅另一边其他人客入坐时佢又大大声叫xx老板，好热情咁伸手出去攞tips。我心谂唔紧要啦，煮得好食咪得啰。
第一道热食龙虾，普普通通，熟度系刚好的但味道比较淡，我要不停加餐厅提供嘅海鲜酱。跟住澳洲鲍鱼，唔系完只鲍鱼喺个客面前拆壳的，出枱前已经做哂清洁，切好一片片，厨师只需系咁儿炒两炒上碟，系 非! 常! 之! 韧! 韧到我俾埋我最后几片俾朋友，味道亦系偏淡。之后我亦留意佢地再serve鲍鱼俾其他食客嘅反应，有D拧拧头，有D同身边人窃窃私语，表情大概同我地食第一啖鲍鱼一样失望。厨师系热食傍边放咗炸蒜片，睇到成碟炸蒜片都油淋淋咁，就知呢度鐡板烧嘅quality唔慌好得去边，唔驶讲蒜片系淋嘅...
唔知几时原来厨师已经煎好蔬菜，有南瓜，青椒，冬菇等等，热度温温呑呑好像煮咗一段时间。
跟住上美国牛肉，我地要求medium rare，又系靭嘅! 好在得3粒，快趣食完冇眼睇。之后鹿儿岛牛肉比较像样，合格 !
最后炒饭又系淡戊戊嘅，自己加豉油。我䦕始怀疑系咪自己味觉有问题呢? 但系龙虾面豉汤又好够味㖞。
之后甜品系生果或雪糕。日本餐厅生果通常不会令人失望，但系我只能说，生果又系淡嘅....
结果埋单有个少惊喜汇丰咭有85折，不过俾五千几蚊食呢餐饭真系好垃圾。
当香港饮食业埋怨港人纷纷北上消费时有冇检讨下自己俾紧D咩质素嘅嘢食俾仍愿意留系香港食餐好嘅人呢?
要赞嘅系侍应倒茶换碟服务周到，有礼貌 ! 不过我相信我唔会再帮衬 !!
张贴
