和牛食堂 (已結業)

𠮶日行完街市，求其入左去啲间小店食lunch. 竟然有惊喜，冇谂过几十蚊有和牛食。心谂系真唔系真。 日本老板同我地讲佢地每只牛都有编号，所有嘢都响日本运返嚟。 我望一望真系连茄汁都系日本版。 讲返食物质素，order 左寿喜烧和牛饭，食得出系唔同普通嘅牛，牛肉味香浓， 配菜精致好味！honey叫左和牛咖哩乌冬， 咖哩咸淡适中，乌冬好滑，啲牛肉唔驶讲都系水准之上。虽然两样正餐都好好食，不过大食积如我，都系要叫返个甜品先够饱。叫左绿茶布甸同瑞士卷。 老板话要我试真啲瑞士卷里面嘅cream. 食完就知点解，真系比一般香滑， 但系我都系钟意个绿茶布甸多啲，可能系我钟意有𠮶种甘甘地嘅香浓绿茶味嘅甜品， 而唔会只有奶味同甜味。 不过我强烈建议老板应该俾我地，可以加钱加牛肉份量。