餃里 (建生商場)

营业中

休息中

Item: 餃里 (建生商場)
Rating: 3
Author: 麻糬里惶恐的蚂蚁

Gaolay (Kin Sang Shopping Centre)

8 食记

味道

环境

服务

卫生

抵食

683

屯门

$50以下

粤菜 (广东) 云吞/饺子小食店网店/食品分销

麻糬里惶恐的蚂蚁

等级1

今次系第二次帮衬佢。咁啱见到through openrice落单做紧8折外卖自取觉得几抵，结果就出事。第一次帮衬我系lunchtime直接walk in买，果日前面都排左两三个人，咁佢另外都有D外卖单，但真系15分钟左右就出到餐畀我。平心而论，佢D饺系足料，味道正常，但未去到D人讲好食到飞咁（可能其他分店人手调味有D出入？）今日经openrice落单，同上次walk in差唔多时间，我order左一点三自取，搭2去到铺头，今次得一个人等紧仲少过上次，跟住见到好多外卖单都pack好晒摆左响台面，心谂会唔会提早有我果张，睇左无。到搭三过左阵，我听到店员叫openrice oreder，我好快上前，跟住望一望单号系7号（我系6号）我即刻黑人问号问店员咁我果份呢？佢睇完个No.都有D愕然，跟住好主动话帮我睇睇，结果我又等左5分钟，果个话帮我睇睇ge店员无再行过黎同我讲一句到底我个order点而系施施然继续慢慢pack其他外卖，我望住佢佢完全若无其事。跟住我听到另一个店员大叫「喂D椰菜饺一粒都无晒喇wor快D添返啦」我个心即刻凉左一截，因为我就系order椰菜饺。我即刻问另一个店员我张单到底点，佢望一望再望一望厨房，跟住话等多三分钟，如是者又过左5分钟，跟住排队ge人越黎越多，外卖单都越黎越多，就连后过我到order ge 人都拎餐走埋，但都系无人同我讲我个餐去左边。我问佢地到底咩事，跟住先有个答话整紧等多阵，又5分钟，连埋落order时间都差唔多成个钟，一餐饭都煮到啦。最后总共等多左15分钟终于等到我个餐出，我忍唔住畀多次机会问佢地系咪漏左单，点知店员话唔系，系因为人多单多要排队所以耐左。人多单多系真，但排队呢下….（7号快过6号，后walk in 出餐快过早到）呢种「排队」方式我真系第一次见，其实无晒货未补得切你照直讲我仲无咁嬲，最衰佢地仲要畀我听到话无晒货但以为我听唔到，知道唔出声唔交代当无嘢咁处事真系好嘢👍🏻我当下都费事再同佢地争论，唯有用呢篇comment回敬佢地。老实讲以佢地D饺子最多叫正常，但价钱其实唔算平，如果以性价比，我觉得八方云集仲好过佢，起码人地份量多之余仲包嘢饮，再配合埋佢地ge做事手法，唔会再有下次帮衬。可能系我黑仔，欢迎大家去挑战下，前提系你要好得闲好多时间同佢消磨。