海景粥店茶餐廳

营业中

休息中

焗猪对呀dee黎讲有一种无形既吸引力，因为我真系好中意食，去到边到都会试下，但系暂时都系得太子明宝石同九龙城澳门茶餐厅先吸引到我。我咁岩打完波，屋企冇留饭，自然就落九龙城揾野食，宜家九龙城系夜晚都仲有好多野拣，其中价钱最比较平，或者性价比高就一定系海景，因为胜在选择多（丁面又有、饭又有、肠粉、粥样样都有）咁当然佢既粥同肠粉真系有水准，平时就最中意牛肉粥加炸両。焗猪扒饭但是呀dee去到又忍唔住叫左焗猪排饭，都等左十几分钟已经有得食，五十几蚊有焗饭有野饮，性价比very 高。上到黎仲热辣辣，见到d茄汁涌下涌下咁，卖相真系唔错，佢猪扒就两件，但是就偏肥，同埋茄汁就好普通冇茄蓉，饭就有炒底，份量都好够，男仔夜晚食就岩岩好。不过佢真系太普通，除左价钱合理，味道亦比较一般，下次都系食番粥好过！