屯門咖喱屋

营业中

休息中

好耐无食印度咖哩，听闻呢间屯门咖哩屋系印度人主理，咁一于黎试下系咪咁正宗先。中午1点半左右去到暂时full左，都要得15分钟左右先入得去，证明都几多人钟意食，佢d午餐set都几抵，有饭有咖哩有烤饼有几条薯条仲有d3色豆，不过算牛或羊就要另外加钱，个套餐包饮品但转印度拉茶同乳酪就要加钱。今日叫左份咖哩牛同拉茶，咖哩唔会好辣，有咖哩味，正正常常，饭唔系用印度米，略为唔够正宗，跟餐个烤饼应该摆左一段时间，黎到已经冻冻地同有d淋，唔够食再谂住叫多份薯仔炸烤饼配埋d咖哩食，侍应落错单整左份普通既，但唔紧要啦照食都得，另叫果份烤饼就新鲜整既，又热又外脆内软，呢份加分，饮品加10蚊转印度拉茶，好重香料味同平时似开既奶茶好唔同，应该就系落左传说中既马沙啦。整体算系普通啦，价钱尚算合理，干净又卫生。