超人燒鵝

营业中

休息中

路过见到有好多人排队，原来好多人嚟买三𩠌饭食，望落去啲饭𩠌好似都几吸引。见到佢有卖文昌鸡，所以就买咗一只返去同啲同事试吓。可能因为三𩠌饭实在太多人，所以除咗一个师傅同埋一个收银之外全部都系做紧三𩠌饭。见到师傅一个人不断斩烧味都觉得佢好辛苦，亦都因为得一个人，所以买完之后都要等大概10分钟左右先至攞到。只鸡嘅份量同出边一般嘅文昌鸡差不多大小， 食落去只鸡有少少偏咸，肉质里面有少少水份，唔算好有鸡味，最重要系鸡皮𠮶啲脂肪见唔到有好似一般文昌鸡咁变成水晶状，而系好似一般嘅鸡油咁所以有少少肥腻。反而佢嘅姜蓉味道咸得来特别啲，感觉上应该有落咗少少调味料落去，呢方面几有心思。