大滿足 (已搬遷) 新店位置

去到葵芳，除左系女人购物天堂外，食都系重点活动！短短几个月开左n间寿司铺，但当中最多人买同食，应该就系呢间「大满足」。之前试过海胆手卷，好食又抵食，最重要系食完无肚痛今次就想试另一人气食品「大满足山」即系迷你寿司丼。卖相很好，鱼生果然系多到成坐山咁，不过师傅要等几张单一次过做，我等得比较耐，都有20分钟以上。有三文鱼，青瓜，蟹子等，当然都有海胆。不过今次海胆有腥臭味，比上次差。另外又叫左「带子三文鱼手卷」带子同三文鱼都几新鲜，饭都够晒多，不过紫菜较淋。总括嚟讲，以呢啲价钱(大满足山应该系30,手卷就2几)，食到咁丰富寿司，已经好好。