華記食店

营业中

休息中

无意中系某外卖app发现此店，见有煲仔饭所以专登过去试一试佢，因为外卖app要运费专登早少少去到,舖头好细得几张枱，所以主要都都系坐街。不过原来好多人食，仲有蛇羹，不过今次都系试佢煲仔饭，叫咗个腊肠排骨鸡煲仔饭加个可乐。好快落咗单之后原来要即时俾埋钱，咁当然冇问题啦。因为身上得一张$500咁就俾佢找啦唯有，叫咗个饭加可乐总共$68 。之后个阿姐问我有冇散纸，我话冇得一张，但睇佢个款好似唔系好想收，佢话近排好多假银纸㖞，但我问佢咁你有冇八达通啊？咁佢又冇话有定冇最尾佢都有收到钱找俾我，但系我话冇散子嘅时候佢就装我个银包，我觉得以下真系几冇礼貌我呃你咩，就算我有$100我都有权唔俾㗎？上菜时间还好，应该等咗6至8分钟到，煲仔饭太湿，不过有啲饭焦嘅，腊肠好难食，不过鸡同排骨OK。总括嚟讲我唔会再去啦，纯粹讲食物质素都唔会再去。