焱手工涮涮鍋 (已結業)

两个人点了粥底锅，7款当日海鲜尚算新鲜。加$20一位嘅牛肉亦好有牛味和嫩滑，对非牛魔王的人来说份量算ok。而5款手作食品选了虾棒、 花胶、鲜淮山、 墨鱼砖 和 黑松露饺子，味道一般。 网上好多人赞虾棒，本以为似虾胶，但食落冇弹牙感，失望☹️。黑松露饺子唔鲜味，而且偏咸。其余3样尚可。 网上好多人赞个响铃，但系职员放咗喺个架下面又冇话畀我哋知，等我哋食到7788先知原来未食响铃， 软晒且好油☹️。 服务方面都系一般，到我问佢系咪黐底， 佢先至话过嚟搞下话有少少黐， 闩细个火，叫我唔好搞咁底，就行开咗。见我们仲有好些野未食，都唔话畀我知原来系可以加粥底，搞到煲嘢 又咸又黐底。 到揾第二个阿姐问嘅时候佢先至话帮我加啲粥底。最后个粥嘅味道尚算鲜。 甜品系绿茶雪糕，但系真系未食过甜成咁嘅绿茶雪糕， 食咗两啖就已经放弃咗啦! 整体而言，除咗环境坐得舒服同埋冇限时之外，呢个价钱同食物和服务嘅质素，唔系太对称，唔会再来。