影片
更多
2021-07-20
625 浏览
见荷里活竟然有间咁抵食嘅日式餐厅，仲要系黄店，梗系要来试吓啦！呢间其实系一间BAKERY嚟嘅，主打就系买冬甩（波堤），但见佢啲餐都几好食，就试咗佢个二重锅定食。二重锅分别可以嗌一个𩠌，同埋一个饭，再送一杯嘢饮同一个冬甩！一共都系$78 +1！系非常之抵食嘅！我同屋企人一共嗌左三个set，睇吓好唔好食啦！A 𩠌锅：黑椒煮美国牛肉，黑椒煮鸡扒，照烧锅煮鸡扒点解我会将三个𩠌放埋一齐讲？因为我完全觉得三个锅冇分别！除咗系鸡同牛嘅分别之外，基本上其他所有嘢都系一模一样，唯独系黑椒鸡扒就多咗少少黑椒味，同埋有啲辣，除此之外都睇唔到任何分别。啲鸡肉系非常滑嘅，但啲牛就真系有啲韧，味道方面我觉得系麻麻地。B1. 蕃茄芝士锅烧炊饭真系超多超多超多超多芝士，芝士嘅爱好者必须嗌呢一个。每一啖都食到浓浓嘅芝士，芝士拉丝亦都非常劲，正因如此，呢一个锅饭非常之腻！其实就咁食一个都够饱B3 芝士野菜泡菜蕃茄锅烧炒饭呢个完全唔系炒饭黎！同样都系超多芝士，份量同上面𠮶个蕃茄芝士锅差唔多，味道就系多咗阵泡菜嘅辣味，同埋酸味，疑犯嘅质感都系同上面嘅炊饭差唔多，都系超腻！钟意食比较韩式嘅人都可以一试，芝士同埋泡菜嘅组合系冇得
二重锅分别可以嗌一个𩠌，同埋一个饭，再送一杯嘢饮同一个冬甩！一共都系$78 +1！系非常之抵食嘅！我同屋企人一共嗌左三个set，睇吓好唔好食啦！
A 𩠌锅：黑椒煮美国牛肉，黑椒煮鸡扒，照烧锅煮鸡扒
点解我会将三个𩠌放埋一齐讲？因为我完全觉得三个锅冇分别！除咗系鸡同牛嘅分别之外，基本上其他所有嘢都系一模一样，唯独系黑椒鸡扒就多咗少少黑椒味，同埋有啲辣，除此之外都睇唔到任何分别。啲鸡肉系非常滑嘅，但啲牛就真系有啲韧，味道方面我觉得系麻麻地。
B1. 蕃茄芝士锅烧炊饭
真系超多超多超多超多芝士，芝士嘅爱好者必须嗌呢一个。每一啖都食到浓浓嘅芝士，芝士拉丝亦都非常劲，正因如此，呢一个锅饭非常之腻！其实就咁食一个都够饱
B3 芝士野菜泡菜蕃茄锅烧炒饭
呢个完全唔系炒饭黎！同样都系超多芝士，份量同上面𠮶个蕃茄芝士锅差唔多，味道就系多咗阵泡菜嘅辣味，同埋酸味，疑犯嘅质感都系同上面嘅炊饭差唔多，都系超腻！钟意食比较韩式嘅人都可以一试，芝士同埋泡菜嘅组合系冇得输嘅！
B6 超蕃茄浓度8汤乌冬
呢个应该系最好食嘅选择，乌冬用咗赞岐乌冬，品质当然无话可说，但最好食系佢个汤！真系超浓嘅蕃茄味，完全冇花冇假，直情好似每一啖都咬紧一旧蕃茄一样，非常浓，就连蕃茄嘅酸味都可以出到嚟！同时间又有少少辣，味道非常好食，蕃茄浓汤嘅爱好者，一定要嚟试吓！
B8 樱花虾浓虾汤乌冬
我expect系会有好大阵樱花虾味，但有少少失望，冇樱花虾味之余，个味有印度feel（屋企人话系佢啲被味太浓？），我自己就唔系好钟意个汤，亦都有少少辣，所以搞到成碟印度菜咁😓，真系麻麻哋，强烈唔建议大家嗌。
海盐焦糖雪糕冬甩
最后压轴出场嘅就系甜品！完全系意料之外，非常好食，令人一试难忘！冬甩非常之烟韧，同我哋平时食开，好似面包质感嘅冬甩好唔同，可以切开一粒粒波咁样食，每一粒都超Q弹，捞埋焦糖再加埋冻嘅雪糕真系滋味无穷！旁边仲有一点紫薯，虽然我唔知系点样食，但我成粒咁食真系好浓紫薯味！总之个冬甩即系比满分，系我食过最好食嘅冬甩！
总括而言，呢餐真系食到非常饱，而价钱亦都唔太贵（但记住要加一），如果大家唔想试到伏野，咁就一定要你买下佢个冬甩，30/2pcs，真系超正！
张贴
