半熟工房 (已結業)

过完新年假又开始写番d食评先～之前一路都听好多人讲呢间半熟工房既半熟芝士蛋糕好正，早排o系电视咁啱见到呢间饼店既访问，睇完之后决定去开铜锣湾就买嚟试个究竟～先讲店内环境，好日式感觉～简约装潢～最重要系地方够干净～都算几阔落～不过如果可以有埋枱同椅子比人坐低食就最好啦今次我谂住剩系试左芝士蛋糕先～佢分两种包装，一盒5或10件，价钱系75或150蚊～平均一件15蚊～以呢个size黎讲价钱唔算便宜，但一场嚟到照买盒5件装黎试下有几正先啦～一打开个盒已经好香，拎上手有少少湿润既感觉，唔会太干身～咬落去口感软绵绵～除左觉得creamy之外，质感都好幼滑，味道充满芝士香，我估可能系因为半熟蛋糕既口感发挥作用，所以件蛋糕虽然芝士香浓 但食完一件又一件 都唔会觉得好“漏”！质感属于轻柔o个种～一口气ko 左3件。。。。留番2件番屋企比妈妈试下 妈妈试完都话正，甜度刚刚好，唔会太甜～曾经见过讨论区网民话觉得咁细件唔抵食。。令到我冇一早就仆去买嚟试，但试完真系觉得系一分钱一分货。睇访问佢地话自己制造蛋糕既材料都系日本货，材料健康，讲求食材质素，我估食开cheese cake既人一食落去都会相信佢地系用靓料