Panda Japanese Homestyle Curry (已結業)

很久没走入大坑，发现多了很多食肆感觉很多食店都很有型。一行四人走过panda, 见到飞天熊猫，可惜我不喜欢咖哩，但女朋友话要试试，细睇menu发现有很多咖哩以外食物，好啦决定一试。最后叫咗明太子温泉蛋虾沙律，咖哩牛肉饭，本菇饭团茶渍饭，同埋冻乌东。先讲明太子温泉蛋虾沙律，唔知点解呢几样嘢mix埋令我咁钟意，个个食完都赞好味。跟住上咗冻乌东，自己加甜豉油，感觉好清新，我谂夏天食仲开心，赞！！再上茶渍饭，又系自己落日本茶，我喺日本食过，香港真系好少见，啲有味菇有抹茶沟晕，我哋四个好似唔够分，哈哈之后咖哩牛肉饭即上，无乜兴趣，但其他三位边食边赞话好少食到咁好食嘅咖哩，忍唔住试下，又确实估你唔到我都觉得好食，啲牛肉应该系牛扒或者叫牛肉厚切，咖哩出奇地好味，好多层次，我哋拣中辣，啱啱好，激赞 下次可以再试其他㖞！！！个肚full咗8成，叫埋甜品应该啱啱好啦，叫咗店中人气no.1嘅蛋布丁，点知真系好袖珍，不过都好好味，如果蛋大啲我觉得呢餐就好完满啰!!!! 不过我一定会再嚟，因为仲有好多嘢想试呀!! 激赞!!!! 埋单后侍应仲送咗个熊猫锁匙套比我哋，当然比我女朋友抢咗啦...........