一起果醬 (已結業)

今晚单独约左母亲大人晚餐，母亲大人前排食过呢间位于松山道嘅小店下午茶之后，觉得质素唔错，今晚就特登带埋我，去试试佢地嘅晚餐。其实前几年尖沙咀分店未开之前，已经同朋友帮衬过西贡分店，试过佢地嘅全日早餐。英式松饼配果酱($18)之前见其他人好推荐佢地嘅英式松饼，所以就叫左一个试下，松饼比想像中细，另外叫松饼会配上一款自选嘅自家制果酱。松饼焗热呈上，一上枱就闻到浓浓嘅牛油香。松饼食落外脆内软，每一啖都充满浓郁牛油香，其实就咁食已经好出色，配上桂花雪梨果酱又另一番风味。好想encore，不过都系留肚食其他野好了哈哈。九宫格多士($49)呢个又系必食之一，一块厚多士，已经试到佢哋九款嘅自家制果酱，感觉好抵哈哈。多士本身好松软，软熟拉丝，烘过之后外脆内软，更为动人。试过九款果酱后，蛋黄菠萝同桂花雪梨最深得我心。大啡菇沙律大啡菇沙律 配上 玫瑰苹果油醋汁，酸酸甜甜好清新。另外母亲大人叫咗个dinner set慢煮厚切安格斯西冷扒($239)厚切西冷扒肉质粉嫩，经过慢煮之后，西冷扒肉汁被锁住，每食一啖都有肉汁流出，够晒juicy，配上玫瑰苹果汁，食落更清新。跟餐沙律跟餐蘑菇汤忌廉味浓郁，入口食到啖啖蘑