The Pantry & Chips Republic

营业中

休息中

今日放工咁啱喺附近，咁就一于去试吓啦。我哋已经六点几就去到，不过入面已经好多人啦，所以想去嘅记住早啲等位啊。一坐低睇完Menu，就忍唔住叫咗个爆谷虾先，因为见到隔篱枱嘅好似好吸引。等咗一阵就上枱啦，系新鲜乍起嘅，而且旧虾好大嚿，配埋佢嘅酱汁真系好夹呀。我嘅主菜就嗌咗烧春鸡窝夫，古唔到咁平嘅价钱佢只烧春鸡都几大。而且食落鸡肉好嫩滑，个皮又有少少脆，唔使点汁已经好好食呀。我朋友就叫咗煎牛扒配薯条，我见到个牛扒煎嘅时间啱啱好，叫咗五成熟就真系啱啱好五成熟。我试咗一旧，估唔到佢嘅牛扒拍得住出面专食牛扒嘅西餐，好重牛味，而且好香又系唔使点汁就食得。另外佢嘅薯条都炸得好脆，佢除咗主菜好食，啲配菜都好好食呀。另外我哋仲叫咗个炸鸡翼，炸鸡翼有成六只，炸得好香脆，而且好肥美。我哋仲叫咗杯奶昔share，杯奶昔好大杯，但系饮落又唔会太腻，而且仲好解渴添，夏天一定要饮呀。本身我哋仲想叫甜品，但真系食得太饱啦，又有个藉口下次再嚟食啦。呢间餐厅性价比高，而且环境好好，啱晒一大班人嚟食或者黎拍拖啊。