濟州燒肉食堂

营业中

休息中

行街血拼有啲攰，夜晚就要同闺密食返个丰盛大餐！ 德福二期嘅济州烧肉食堂，就喺美食广场入面，环境开扬，平日都唔驶等位，无限时可以慢慢食慢慢倾计。 一级五花肉套餐已经包括一级五花肉、和牛牛五花、安格斯牛外裙肉、牛小排、一口鳕鱼肉、苹果梨汁鸡肉同一个汤，都好丰富~~ 两大件一级五花肉，肥瘦相间，一路烧油脂一路爆出嚟，香味四溢，加少少芥辣再用生菜包住嚟食，一流！ 其余五款肉类放成一个拼盘，份量都几大。牛小排同外裙肉都唔错，烧到七成熟左右就最正。三款牛当中我最钟意梗系和牛牛五花，肉质软嫩又油脂丰富，留返最尾先食。鸡肉用苹果梨汁调味，多汁又带少少果香，烧到鸡皮香脆，美味~ 一口鳕鱼肉烧完无缩水同散开，一口一件！薯仔排骨汤热辣辣，汤料多。生牛肉石头锅饭上枱即系搅拌，再等一阵先食，咁就有饭焦特别香口。海鲜煎葱饼煎得干爽唔油腻，口感酥脆，送酒就最啱。叫一锅荔枝生米酒，甜美清新，酒精浓度唔系好高易人口！ 一碗接一碗，够尽兴！