影片
更多
2021-10-18
1260 浏览
早排黎过呢间位于铜锣湾登龙街嘅日法fusion扒房GAIJIN食午餐，今日想食精致fine dining晚餐，就黎呢度encore，令人非常期待！晚市套餐有主菜七选一，分别有意粉，意大利饭，鱼柳，猪扒，牛扒，羊架等，价钱由$328至$428不等，另收加一。价钱包4道菜，分别系前菜3拣1，汤2拣1，主菜7拣1，同精选甜品。另外亦有5道菜餐牌，包3款前菜，1款主菜2拣1，同精选甜品，价钱$788另加一。我同同行友人当然要拣唔同既菜式分享黎试试水准，于是一个叫晚市套餐，一个叫5道菜晚市套餐。餐包配忌廉芝士餐前面包有泡芙形原味小面包同每人半件迷你牛角包，未食先闻到好香牛油味。牛角包非常酥脆，食得出系有好多层，算系几出色！原味小面包咸咸哋，入面冇饀，可以点另上嘅香滑忌廉芝士一齐食。食完可再添。先讲5道菜晚市套餐。第一道菜系世界各地精选时令生蚝，摆盘好靓，服务员建议用筷子食。大大只连壳生蚝上面加左几粒三文鱼籽，仲有青柠雪葩。蚝本身非常新鲜实在，好浓海水味，配香甜青柠雪葩一齐食好夹，令只蚝冇咁咸。第二道菜系松叶蟹。呢道菜系一只已剥壳嘅超级鲜甜松叶蟹脚，上面放有咸香黑飞鱼籽，下面嘅酱系用蟹膏蟹粉打出黎
晚市套餐有主菜七选一，分别有意粉，意大利饭，鱼柳，猪扒，牛扒，羊架等，价钱由$328至$428不等，另收加一。价钱包4道菜，分别系前菜3拣1，汤2拣1，主菜7拣1，同精选甜品。
另外亦有5道菜餐牌，包3款前菜，1款主菜2拣1，同精选甜品，价钱$788另加一。我同同行友人当然要拣唔同既菜式分享黎试试水准，于是一个叫晚市套餐，一个叫5道菜晚市套餐。
餐包配忌廉芝士
24 浏览
0 赞好
0 留言
餐包配忌廉芝士
餐包配忌廉芝士
15 浏览
0 赞好
0 留言
餐前面包有泡芙形原味小面包同每人半件迷你牛角包，未食先闻到好香牛油味。牛角包非常酥脆，食得出系有好多层，算系几出色！原味小面包咸咸哋，入面冇饀，可以点另上嘅香滑忌廉芝士一齐食。食完可再添。
先讲5道菜晚市套餐。
世界各地精选时令生蚝
12 浏览
0 赞好
0 留言
世界各地精选时令生蚝
16 浏览
0 赞好
0 留言
第一道菜系世界各地精选时令生蚝，摆盘好靓，服务员建议用筷子食。大大只连壳生蚝上面加左几粒三文鱼籽，仲有青柠雪葩。蚝本身非常新鲜实在，好浓海水味，配香甜青柠雪葩一齐食好夹，令只蚝冇咁咸。
松叶蟹
15 浏览
0 赞好
0 留言
松叶蟹
7 浏览
0 赞好
0 留言
松叶蟹
8 浏览
0 赞好
0 留言
第二道菜系松叶蟹。呢道菜系一只已剥壳嘅超级鲜甜松叶蟹脚，上面放有咸香黑飞鱼籽，下面嘅酱系用蟹膏蟹粉打出黎嘅，有微微烧烤味，超香，放左喺块厚厚香脆多士上面，外围系紫苏叶同紫苏梅子汁，最后撒上花瓣装饰。呢道菜有多重口感同味道，而主角蟹肉蟹膏都好鲜，好好味。
法式鹌鹑酥皮包
8 浏览
0 赞好
0 留言
法式鹌鹑酥皮包
9 浏览
0 赞好
0 留言
第三道菜系法式鹌鹑酥皮包。酥皮包系超脆嘅酥皮包住碎鹌鹑肉同一只鹌鹑蛋，用一条韭菜花绑住，下面垫左松露汁。酥皮质感绝对合格有余，又薄又脆，个汁好滑而带微微松露香，味道口感都几好。如果鹌鹑肉味同质感再突出啲就更好。
第四道菜我拣左法式油封鸭腿。呢道菜有一大只鸭髀整得块皮好薄脆，而入面嘅肉咸香又唔算太韧，配伴碟嘅香甜桃肉好夹。下面垫左少少吸哂汁嘅羽衣甘蓝，伴有3件好特别嘅紫番薯。
榛子朱古力慕丝
4 浏览
0 赞好
0 留言
榛子朱古力慕丝
7 浏览
0 赞好
0 留言
甜品有两款拣，分别系柠檬类同呢款蘑菇造型嘅榛子朱古力慕丝。首先摆盆精致，材料丰富。滑溜嘅白色云呢拿慕丝同香浓嘅榛子朱古力慕丝就系主角蘑菇，配伴碟嘅劲多朱古力脆脆，白色小蘑菇同黄色蛋白脆脆一齐食好正，而完全唔会过甜。另外仲伴有栗子雪糕，整得好滑。想甜少少既话有少少用朱古力酱卷出黎既装饰一齐食，想酸少少就有黄色同红色既果酱。呢款甜品完全食得出厨师既心思。
而家讲晚市套餐。
日本严选当造刺身
6 浏览
0 赞好
0 留言
日本严选当造刺身
17 浏览
0 赞好
0 留言
前菜我哋梗紧拣日本严选当造刺身。日本严选当造刺身系油甘鱼，有3块，上面加左点点黄色柚子酱，下面垫左两块爽脆香甜又酸酸哋嘅红心萝卜。油甘鱼本身好新鲜，估唔到唔配豉油芥末都咁好味㖞，配呢个汁好清爽。
呢个法式龙虾汤要加$45。上枱嘅时候服务员特登提提只碟好热。个汤真系非常热，天气凉饮实在系正! 个汤龙虾味够浓，如果有少少龙虾肉食仲正。
纽西兰BB羊架
$428
10 浏览
0 赞好
0 留言
纽西兰BB羊架 $428 另加一
纽西兰BB羊架
$428
9 浏览
0 赞好
0 留言
主菜当然拣我至爱既纽西兰BB羊架，羊架一客三大件，厨师建议四成熟，当然照跟。羊架肉质超嫩又唔膻，啖啖肉之余仲有脆皮，上面洒上少少葱花，配伴碟嘅香辣青咖哩汁好好味。另外伴碟仲有好多唔同种类嘅薯菜，分别有新薯，特别嘅紫薯，少见嘅鬼佬长西兰花，蜜糖豆，韭菜花，菇一片，意大利青瓜，同车厘茄，好健康。呢个主菜坚赞！
红桑子慕丝朱古力挞
4 浏览
0 赞好
0 留言
红桑子慕丝朱古力挞
4 浏览
0 赞好
0 留言
精选甜品系红桑子慕丝朱古力挞，一啲都唔求其，好似名牌蛋糕店咁插左张纸牌仔。红桑子慕丝够滑，味道酸酸甜甜咁，配厚脆朱古力味挞底好味道。钟意酸味伴碟仲有少少黄色同红色果酱俾你点。简单但认真既一道甜品。
总括而言，基本上所有菜式都非常精致有花思，而食物质素都好唔错。服务勤快，要求帮手影相服务员都好乐意，每道菜都系两位食客一齐上免等，基本上每道菜式都会介绍下，所有热盘只碟都系超热等等。餐厅装修以黑色为主，感觉摩登。餐厅门口附近好似有个包霜，人多黎包房都几好。呢个价钱食到呢个质素既fine dining都好抵！
张贴
