敏華冰廳 (康怡廣場北座)

营业中

休息中

话说今日中午同朋友两个人食敏华，因为系星期日中午时段，所以都要排队等位。等左大概5-10 分钟，伙记先一下子安排3至4枱客入座（包括我哋），当时已经觉得佢哋好似唔够人手咁⋯anyway，都order左葱油猪扒煎双蛋饭、沙茶酱牛肉公仔面（连煎熟蛋加多士）、热柠茶同冻奶茶。讲番哩间敏华，系新开分店，所以我或多或少会同太古城中心𠮶间旧店做比较。葱油猪扒煎双蛋饭系我嘅favorite，十次去太古城旧店七、八次order佢，猪扒好tender好食，不过会有D滞，味道黎讲两间冇乜分别，唯一分别系康怡新店得好少葱油，所以扣左分。牛肉公仔面个沙茶酱汤底就真系比旧店淡。两杯野饮都唔够茶味，奶茶亦唔滑。至于份多士煎熟蛋就漏左单，叫左伙记几次，等左三十分钟先黎，但因为某D不快原因，我哋cancel左order。另一样系，因为之前哩个舖位系酒楼，宜家变成三间连著一起的食肆，一入去系敏华，之后系亚参，最入系食好D，有D想去亚参嘅客唔知，就照排门口敏华条队，又冇侍应提佢哋，浪费左D客嘅时候，有D混乱。