漫花燈火OMG (已結業)

Bookmark 咗好耐嘅餐厅，琴晚终于约到家姐一齐食。餐厅见万花筒做主题，用咗镜面设计嘅装修，打造成一个色彩缤纷嘅空间。 香煎日本带子黑松露忌廉意大利粉 $188一上枱已经闻到好香嘅黑松露味，意粉上面放咗三粒半熟日本带子，带子每只都好大只厚肉。意粉挂满黑松露忌廉酱汁，好creamy，仲有好多杂菌，推介。 慢煮比利时杜洛克橄榄猪鞍 $308猪鞍采用慢煮真空低温处理，肉质会粉红少少。虽然猪鞍好厚身，但系肉质都系好嫩滑。伴碟有番薯条，香脆绵密，令人食唔停。阿尔卑斯雪山小屋 $148甜品叫咗呢一个好得意嘅雪山小屋蛋糕，入面系西瓜伯爵茶蛋糕，有好多西瓜同士多啤梨粒，味道清甜，值得一试。