影片
更多
2017-12-01
653 浏览
今日系Happy Friday，我同同事S都想食个好d嘅lunch慰劳一下自己。S记得早排经过一座工厦有间餐厅貌似唔错，想揾日试试，今日就决定食呢间啦！于是乎，两个饿到差d喺Office食A4纸嘅妙龄少女（笑）就急急脚揾路去圆点工房食个靓饭～～～我地本身都喺附近返工，所以都唔太难揾。火炭工业区真系禾杆冚珍珠，一座座其貌不扬工厦入面其实隐藏好多美食，迟d有机会一定同大家分享！一入到去坐低，我地睇两睇menu就已经决定到食咩（因为真系好肚饿XD），之后我个懒鬼同事S就派我出去点餐比钱。我叫嘅系H.重量级大胃王牛肉汉堡配薯角（$69），饮冻蜂蜜绿茶（冻饮+$3；同事S叫嘅系D.温泉蛋卡邦尼长通粉（$68），饮热蜂蜜绿茶。唔知系咪头先急急脚行过黎，觉得好口干。我见枱上有支水就斟黎饮啦，再望清楚d原来系经过国际认证嘅Diamond钻石水！连饮用水都咁注重，真系值得一赞～两个餐一阵就先后送到，唔洗等好耐，I like it！最怕返工食lunch仲要等一大轮，香港人最紧要快XD原本个餐跟餐饮+餐汤+蒜蓉包，但餐汤已经送晒（泪）首先食块蒜蓉包先，好香但美中不足系唔够热辣辣、脆卜卜。我个餐到先，哗~果然
我地本身都喺附近返工，所以都唔太难揾。火炭工业区真系禾杆冚珍珠，一座座其貌不扬工厦入面其实隐藏好多美食，迟d有机会一定同大家分享！
一入到去坐低，我地睇两睇menu就已经决定到食咩（因为真系好肚饿XD），之后我个懒鬼同事S就派我出去点餐比钱。我叫嘅系H.重量级大胃王牛肉汉堡配薯角（$69），饮冻蜂蜜绿茶（冻饮+$3；同事S叫嘅系D.温泉蛋卡邦尼长通粉（$68），饮热蜂蜜绿茶。
唔知系咪头先急急脚行过黎，觉得好口干。我见枱上有支水就斟黎饮啦，再望清楚d原来系经过国际认证嘅Diamond钻石水！连饮用水都咁注重，真系值得一赞～
两个餐一阵就先后送到，唔洗等好耐，I like it！最怕返工食lunch仲要等一大轮，香港人最紧要快XD原本个餐跟餐饮+餐汤+蒜蓉包，但餐汤已经送晒（泪）首先食块蒜蓉包先，好香但美中不足系唔够热辣辣、脆卜卜。
我个餐到先，哗~果然系重量级大胃王牛肉汉堡，份量十足！沙律好fresh，薯角调味刚刚好！好彩我人如其名“三三食不尽”，一般女仔食量就可能食唔晒XD S个温泉蛋卡邦尼长通粉亦都到埋，S表示加埋蛋汁好creamy～不过食到尾觉得有d dry，因为冇咩配菜，如果可以加返多少少杂菌就very good喇！饮品方面，佢个蜂蜜绿茶并唔系交行货比“道X”你，而系真正加蜂蜜落绿茶，如果再大杯d就更好喇！
呢到各方面都唔错，可以encore！
张贴
