段純貞牛肉麵 (MONTEREY Place) (已結業)

晚餐唔想出街食, 都係屋企舒服, 於是拎電話睇下有咩好食~揀左呢間牛肉麵試下!等左半個鐘終於到~三寶麵(細麵) $108微辣, 台灣經典牛肉麵，牛筋滿滿膠原蛋白，嚼勁十足, 稱得上極品, 好腍好好食; 牛腱啖啖肉, 但肉質嚡左少少, 牛肚好入味好腍。另外湯都係主角, 睇色澤已經feel到好足料, 好香牛肉味, 真係有台灣的感覺~麵底都唔錯, 都算彈牙。台式擔擔麵 $68微辣, 但比牛肉面再辣少少, 湯底好濃郁, 加埋花生好香口, 如果再多D花生仲好!鐘意兩款面都有兩條菜, 再各配有一小盒酸菜。