德發茶餐廳 (已結業)

做完gym， 觉得个人有少少虚脱咁样，个肚饿到咕咕声，就入咗去呢间茶餐厅食啲嘢，入到去又唔知食乜嘢好，就求其叫咗自选车仔面嚟食，因为通常食车仔面都唔会衰得去边。我拣嘅自选车仔面，系三𩠌车仔面， 三个𩠌就系豆卜，牛腩，鸡翼， 面就系粉， 豆卜够圆够大食落好香， 牛腩煮得唔系好够淋但系就好入味，最好食就系𠮶啲鸡翼，好淋好滑好入味仲好香，碗面𠮶啲汤系牛腩汤嚟，我觉得饮落都几好饮， 因为通常𠮶啲车仔面嘅汤都会好咸，但系呢个汤我觉得系唔错嘅。加埋一杯鸳鸯，真系冇得弹。