金滿膳燒味餐室 (已結業)

下昼约frd出街，落街见到呢间新开嘅舖头于是入咗去尝试下，估唔到比起同区嘅茶餐厅，质素唔差。沙爹牛肉公仔面$50我嗌咗一个沙爹牛肉公仔面，炒蛋配多士。要赞下沙爹牛肉，啲沙爹牛唔似出面咁细，反而系啲牛好大嚿，食落好满足，沙爹嘅味道亦系好经典𠮶种。炒蛋多士整体都不过不失，啲蛋炒得都好嫩下。招牌脆皮烧腩仔河朋友就嗌咗个招牌脆皮烧腩仔河，先讲河粉口感，好爽口，好索汤。重点讲下佢个脆皮烧腩，啲皮烧得好好，外酥里嫩，咬落去脆口得黎仲锁到肉汁，咸香可口。