Bread Street Kitchen & Bar (已結業)

知道Bread Street Kitchen & Bar喺山顶凌宵阁开张，急不及待约左几个朋友黎朝圣。虽然山顶缆车维修紧，但喺金钟站搭X15巴士上黎都好方便，25分钟到就一站到达👍🏻先讲最期待啲菜式——Beef Wellington ($888/4件)。呈粉红色嘅牛肉由一层香香嘅蘑菇包裹住，外层配上金黄色嘅酥皮，整体口感及层次分明，口味出色。牛肉锁紧肉汁，每口均软腍而肉味香浓，果然名不虚传👍🏻蘑菇用左不少香料调味，每啖都甘香可口，同牛肉好夹！如果有道菜系净菇我都想食！😍另外，菜式附上牛骨髓蜡烛，用烧热嘅牛骨髓伴beef wellington 黎食，将味道推上高峰！另外，我地亦叫左牧羊批、fish & chips等典型英国菜式。肉批嘅羊肉味好香，配上薯蓉、菜等材料，味道很好，而且十分饱肚。Fish & chips嘅鱼块超级大块，鱼肉好滑，外层脆卜卜。最后，我地选择apple pie同toffee pudding黎share。两种甜品性价比极高，份量非常generous。个人较中意apple pie，外层焗得好甘香，内里就有大大粒嘅苹果，整体口感丰富，味道唔会过甜，十分推介！